(Ռատիօ Վատիկան) Յառաջիկայ Կիրակի` 4 հոկտեմբեր 2015-ի առաւօտեան ժամը 10-ին, Սուրբ Պետրոսի Մայր տաճարին մէջ Ֆրանչիսկոս Քահանայապետին մատուցած սուրբ պատարագով բացումը կը կատարուի եպիսկոպոսական ընդհանուր ԺԴ սովորական սիւնհոդոսին որուն բնաբանն է ''Ընտանիքի կոչում ու առաքելութիւնը եկեղեցւոյ եւ ժամանակակից աշխարհի մէջ'' եւ որ պիտի եզրափակուի 25 հոկտեմբեր 2015-ին։
Այս առթիւ յառաջիկայ ուրբաթ 2 հոկտեմբերի առաւօտեան 11,30-ին, Սուրբ Աթոռի մամլոյ գրասենեակի Յովհաննէս Պօղոս Բ անուան սրահին մէջ, նախատեսուած է մամլոյ ասուլիս զոր պիտի ներկայացնէ Եպիսկոպոսական Սիւնհոդոսի Ընդհանուր Քարտուղար` Կարդինալ Լորէնցօ Պալտիսսերի։
Յայտնենք թէ Սիւնհոդոսի ընթացքին նախատեսուած են առօրեայ մամլոյ ասուլիսներ ներկայացնելու Սիւնհոդոսի աշխատանքներու Գործընթացը, որոնց կարելի հետեւիլ հետեւեալ համացանցային կապերու միջոցաւ.
VaticanPlayer http://player.rv.va
TheVatican - YouTube http://youtube.com/vatican
App RadioVaticana www.radiovaticana.va
Յայտնենք նաեւ թէ եպիսկոպոսական սիւնհոդոսի պաշտօնական կայքէջն է sinod15.vatican.va
Իսկ Եպիսկոպոսներու սիւնհոդոսի բացման սուրբ պատարագի նախօրեակին, Իտալիոյ Եպիսկոպոսական համահաւաք դասի կազմակերպութեամբ, շաբաթ 3 հոկտեմբերի երեկոյեան ժամը 7-ին, Սուրբ Պետրոսի հրապարակին վրայ նախատեսուած է նաեւ ընտանիքներու հետ աղօթքի հսկում։
All the contents on this site are copyrighted ©. |